Bagong Pag-asa at Liwanag: TARELCO II, naghatid ng Kuryente sa Anim na Sitio sa ilalim ng STEP ng NEA

Azenith C. Aquino | October 3, 2025

Bilang tugon sa mandato ni President Ferdinand R. Marcos, Jr. na “Total Electrification by 2028”, matagumpay na napailawan ng Tarlac II Electric Cooperative, Inc. (TARELCO II) ang anim (6) na sitio ngayong 2025 sa ilalim ng National Electrification Administration (NEA) Strategized Total Electrification Program (STEP).

Tinatayang 84 ang inisyal na kabahayan na naging benepisyaryo ng programang ito ngayong taon, matapos ang masusing pagsusuri at beripikasyon ng NEA.

Nagdaos ang kooperatiba ng simpleng Ceremonial Energization noong May 7, 2025 para sa sitio Bisaya at sitio Baguingan ng Sitio Malasa, Anupul, Bamban, Tarlac – kung saan karamihan sa naninirahan dito ay mga katutubong Aeta.

Para naman sa bayan ng La Paz, pinailawan noong April 26, 2025 ang sitio mula barangay Sierra hanggang barangay Motrico ng La Paz, Tarlac. Sumunod ang pagpapaabot ng serbisyong kuryente sa barangay Magao, Concepcion, Tarlac noong July 12, 2025. Kasunod nito, sabay namang dumaloy ang kuryente sa Sitio Tumang, Corazon de Jesus, Concepcion, Tarlac, at Purok 2 ng barangay Pantoc hanggang Manaol noong July 22, 2025.

Adhikain ng programa ng NEA na mabigyan ng kuryente ang lahat ng kabahayan ng mga member-consumer-owners (MCOs) sa bansa. Upang maisama ang mga malalayong sitio sa programang STEP, aktibong nakikipag-ugnayan sa mga barangay at lokal na pamahalaan ang TARELCO II para makumpleto ang lahat ng kinakailangang dokumento sa NEA.

Dumaan sa masinsinang inspeksyon ang mga sitio batay sa pamantayan ng NEA upang matiyak na kwalipikadong mapabilang ang mga aplikante sa programa. Para naman sa karagdagang tulong, pinangunahan ng Board of Directors ng kooperatiba ang pakikipag-ugnayan sa NEA sa posibleng subsidiya na maaari matanggap ng mga benepisyaryo.

Bilang bahagi ng pangakong magbigay ng dekalidad na serbisyo, personal na bumisita ang mga kinatawan ng TARELCO II sa mga komunidad upang magsagawa ng oryentasyon at gabayan ang mga aplikante sa maayos at mabilis na pagproseso ng kanilang aplikasyon sa kuryente. Tinutukan ng kooperatiba ang bawat yugto ng implementasyon, mula sa inspeksyon, aplikasyon, hanggang sa aktwal na energization bilang bahagi ng matagal na nitong tradisyon sa pagpapatupad ng mga naunang programa gaya ng Sitio Electrification Program (SEP) at Barangay Line Enhancement Program (BLEP).

Kamakailan, inanunsyo ng NEA na maglalaan ang national government ng halos ₱4 bilyong pondo para sa Sitio Electrification Program sa taong 2026. Magsisimula ang prosesong ito sa Kongreso, kung saan inilalagak ang pondo sa national budget. Kapag naaprubahan, mapapabilang ito sa General Appropriations Act (GAA) — ang batas na nagsisilbing gabay sa gastusin ng pamahalaan bawat taon. Mula sa GAA, dumadaloy ang pondo patungo sa NEA kung saan aayusin at ilalaan ng ahensya ang pondo papunta sa iba’t ibang electric cooperatives (ECs) sa buong bansa. Ang mga kooperatibang ito ang tuwirang nagsasagawa ng proyekto dahil sila ang naglalagay ng mga poste, kable, at linya ng kuryente. Kaugnay nito ang maayos na liquidation sa inilaang pondo.

Ang matagumpay na pagpapatupad ng STEP ngayong 2025 ay patunay ng matibay na pagtutulungan ng TARELCO II, NEA, lokal na pamahalaan, at mismong mga komunidad. Ito ay isang hakbang patungo sa mas maliwanag na kinabukasan para sa lahat: isang kinabukasang may kuryente, oportunidad, at pag-unlad para sa bawat Filipino.

Safety First for TARELCO II Employees

October 6, 2025

Recognizing the energy industry as a high-risk profession, TARELCO II actively equips its workforce with adequate safety knowledge through conducting a series of seminars on Basic Safety and Health Concepts for new employees on September 12, 19, 26, and October 3, 2025.

This year, 63 employees engaged in an extensive in-house seminar organized by the Institutional Services Department – Human Resource Management Division. The Cooperative tasked Engr. Mark Anthony L. Salamanca, TARELCO II Safety Engineer, to facilitate the sessions – giving participants further understanding of Occupational Safety and Health (OSH).

The seminar covered essential topics such as OSH concepts, hazard identification, risk assessment, and emergency preparedness. Engr. Salamanca highlighted the significance of OSH and explained its focus on the environment, materials, and equipment. The discussion also emphasized the importance of a good safety attitude in preventing workplace incidents since its main idea pointed out that 90% of safety relies on the worker.

Various key points included the different types of hazards, safety control measures, office safety practices, and the proper use of personal protective equipment (PPE). These aimed to help participants, especially the field workers, discern risks within the industry and ensure that they are well versed in performing their duties safely.

Through this initiative, TARELCO II not only fulfills its legal obligations but also demonstrates its commitment to creating a culture of safety within the organization. It mainly prioritizes employee safety that corresponds to the nature of the industry. Recognizing that every workday carries potential hazard, the cooperative goes beyond compliance of the Republic Act 11058 (aka Occupational Safety and Health (OSH) Law) and the Department of Labor and Employment (DOLE)-mandated safety program.

The training aims to enhance efficiency, productivity, and workplace harmony by reducing risks and empowering workers with the right knowledge and tools. At the end of each session, participants were expected to apply what they have learned in their respective duties - creating a safer and healthier work environment for themselves and their colleagues. In addition, the training has always left with a central message “Why safety?” - because every employee deserves to clock out and return to their families safely.

Apat na BCA, nadagdag sa Bamban
ibang bagong BCA, kilalanin

October 6, 2025

Dahil sa lumalaking pagtangkilik ng mga member-consumer-owner (MCO) sa alternatibong payment center ng TARELCO II na Barangay Collection Agent (BCA), nadagdagan ng apat (4) na BCA ang bayan ng Bamban at isa (1) naman sa bayan ng Concepcion ngayong 2025.

Layunin ng pagtatalaga sa mga BCA ang maka-masang paraan ng pagbabayad ng mga MCO kung saan sa mismo o kalapit-barangay sila makakapagbayad ng buwanang singil sa kuryente. Sa halagang P15.00 na service fee, mas makakatipid pa ang mga MCO kumpara sa pamasaheng magagastos nila at makakaiwas sa mahabang pila kung magtutungo pa sa opisina ng TARELCO II.

Nagsimula nang magserbisyo sa bayan ng Bamban si Amalia Diamsay Aquino para sa Dapdap Resettlement Area (kabilang ang mga sitio ng Mauricia, Malasa, Malani, Mabilog, Gayaman, Bisaya, Baguingan) simula Marso 12. Noong Marso 13 naman, pormal na itinalagang BCA si Marriebeth Viscaino Victoria ng barangay Sto. Niño (kabilang ang mga sitio ng San Martin, Burog, KKK, at barangay Calumpang, Mabalacat, Pampanga).

Para naman sa mga nakatira sa barangay Lourdes (kabilang ang sitio Gumain), maaari nang makapag-bayad ng electric bill kay William Dela Cruz simula pa noong Hunyo 13. Inanunsyo naman sa mismong barangay Lapaz noong Setyembre 4 na awtorisado nang tumanggap ng bayad si Arian Joy Sibal. Malaking ambag ang naidudulot ng pagkakaroon ng BCA lalo na sa Bamban dahil malayo ang sub-office ng TARELCO II sa karamihan ng mga barangay.

Kabilang din sa pormal na ipinakilalang BCA sa mga MCO ngayong taon si Angelica Rose Timbol ng San Nicolas Poblacion, Concepcion noong Marso 5.

Bago maging opisyal na BCA, kinakailangang maipasa nito ang mahahalagang dokumento at pamantayang itinakda ng kooperatiba: (1) Dapat residente sa TARELCO II coverage area ang aplikante at active status ang kuntador nito sa system; (2) Responsable at may magandang record ng pagbabayad sa TARELCO II; (3) Maganda ang reputasyon sa kanilang barangay; (4) May tindahan o opisina na madaling puntahan ng mga nagbabayad; at (5) Walang anumang katungkulan sa gobyerno habang may bisa ang kontrata sa Kooperatiba. May kaukulang cash deposit at cash bond rin na kailangang isumite bago maging ganap na BCA.

Nagsasagawa ang TARELCO II ng pormal na pagpapakilala sa bawat BCA matapos makumpleto ang lahat ng proseso at kwalipikasyon. Isinasagawa ito sa pamamagitan ng pagpupulong sa mismong barangay kung saan nakatira ang BCA at ipinapaliwanag sa mga kabarangay ang paraan kung paano ang magiging systema ng pagbabayad ng konsumo sa kuryente.

Layunin din nito na maipabatid sa komunidad ang kahalagahan at benepisyong dulot ng pagkakaroon ng BCA sa kanilang lugar, at upang mahikayat ang mga MCO na tangkilikin ang kanilang serbisyo.

Noong 2024, nakatulong ang mga Barangay Collection Agent (BCA) na makalikom ng halos 27% ng kabuuang taunang koleksyon ng TARELCO II. Patunay ito na epektibo ang programa sa pagtulong sa mga MCO na maayos na matupad ang kanilang obligasyon ayon sa Magna Carta for Residential Electricity Consumers. Bukod dito, nakapag-ambag din ito sa pagpapataas ng Collection Efficiency ng kooperatiba upang maabot ang Key Performance Standards (KPS) ng National Electrification Administration (NEA).

Sa kasalukuyan, mayroong 75 BCA ang nagsisilbi at tumatanggap ng bayad mula sa mga MCO sa kani-kanilang nasasakupan.

Puno ng Pag-asa: TARELCO II at NEA, nagtanim ng kinabukasan para sa susunod na henerasyon

October 6, 2025

Cristo Rey, Capas, Tarlac - Isang makabuluhang hakbang para sa kalikasan at pamayanan ang ginawa ng Tarlac II Electric Cooperative, Inc. (TARELCO II) matapos lumahok nitong Agosto 15, 2025 sa “NEA-EC Simultaneous Tree Planting at Line Clearing Activity” na inorganisa ng National Electrification Administration (NEA) bilang bahagi ng ika-56 na anibersaryo nito at ng 16th National Electrification Awareness Month (NEAM).

Kasama ng mga opisyal at kawani ng TARELCO II, pinangunahan ni Board President at Concepcion Director Engr. Antonio S. David ang pagtatanim ng humigit kumulang limang daang (500) punla. Kaagapay nila ang Community Environment and Natural Resources Office (CENRO) ng Capas at ilang kasapi ng TARELCO II Press Corps, na sabay-sabay nagkapit-bisig para sa layuning protektahan ang kalikasan.

Sa kanyang mensahe, ipinahayag ni Officer-in-Charge Ronnie Mangalindan ang kahalagahan ng mga simpleng hakbang para sa kalikasan. Aniya, “Hindi tayo ang makikinabang kung hindi ang susunod na henerasyon.” Isang paalala na simbolo ng pangmatagalang pamana ang bawat punlang itinatanim.

Nagbigay rin ng inspirasyon si Deputy CENRO Forester Emmanuel Razalan, na nasiyahan sa taunang pagtutok ng TARELCO II sa gawaing pangkalikasan. Hinimok niya ang kooperatiba na gawing tradisyon ang pagtatanim sa parehong lugar upang tuluyang makita ang paglago ng mga punla taon-taon.

Binigyang-gabay naman ng Forester Rey Nuñez ang mga kalahok sa tamang paraan ng pagtatanim. Sa kanyang demonstrasyon, tiniyak na bawat punla— 250 guyabano, 200 kape, at 200 narra —ay maayos na mailalagay sa lupa upang magkaroon ng matatag na pundasyon para sa paglago.

Hindi lamang pagtatanim ang isinagawa kundi pati na rin ang paglilinis ng linya ng kuryente, isang pagpapaalala na magkaugnay ang kalinisan, kalikasan, at elektripikasyon. Tinatayang umabot sa anim (6) na kilometro ng linya ng kuryente ang nalinis ng mga linemen sa barangay Dolores, Talaga, at Estrada ng Capas, barangay Dutung – A – Matas at Santiago ng Concepcion, barangay San Roque, La Paz, at barangay Sto. Rosario (Y), Zaragoza.

Sa pagtatapos ng aktibidad, higit sa lahat ng bilang ng punlang naitanim, nanatili ang mas malalim na mensahe: ang pagkakaisa ng komunidad at institusyon sa iisang adhikain—ang mag-iwan ng luntiang pamana at mas maliwanag na kinabukasan.

TARELCO II, bumida sa NEA-PHILRECA Awards

October 6, 2025

Kinilala ang Tarlac II Electric Cooperative, Inc. (TARELCO II) sa entablado ng SMX Convention Center, Bacolod City para sa kanilang malasakit at dedikasyon sa Rural Electrification matapos tanghalin sa joint awarding ceremony ng National Electrification Administration (NEA) at Philippine Rural Electric Cooperatives Association (PHILRECA) noong Agosto 9, 2025.

Taas noong tinanggap ng Board of Directors, Management, at Staff ng kooperatiba ang samu’t saring parangal gaya ng mga plaque, certificate of recognition, award trophy mula sa mismong NEA Board of Administrators na sina Antonio Mariano C. Almeda, Nollie B. Alamillo, Engr. Edgardo R. Piamonte, Engr. Jovel B. Ubay-ubay, Deparment of Energy (DOE) Undersecretary Mario C. Marasigan.

Hindi rin nagpahuli ang PHILRECA na katuwang sa gawad-parangal na pinangunahan nina Cong. Presley C. De Jesus (PHILRECA party-list representative), Atty. Janeene Depay-Colingan (PHILRECA Executive Director at General Manager), Cong. Sergio C. Dagooc (Association of Philippine Electric Cooperatives - APEC party-list representative), at Jose Raul Saniel (PHILRECA president).

Nasungkit ng TARELCO II ang mga sumusunod na prestihiyosong parangal mula sa 2025 NEA Lumens Awards: Top Performing EC Award, Outstanding EC Award, Compact of Cooperation Award, Single Digit Feeder Loss Award, EC with High AGMA Attendance, EC with Fully Liquidated Subsidy Fund. Dagdag pa rito, natanggap din ng kooperatiba ang mga sumusunod na 2025 PHILRECA Awards from the Wires - Prompt Payor Award, Strong Commitment to Brotherhood Award, Silver Stellar Award, The Lumina Apex Award, Bright Beginning Award, Model Member-EC Award, Occupational Safety and Health Excellence Award.

Bilang pagpupugay sa kanyang tapat na paglilingkod at dedikasyon bilang General Manager ng TARELCO II, pinarangalan din ng NEA at PHILRECA ang namayapang si Engr. Jose F. Bognot, Jr. ng natatanging pagkilala na “Posthumous Award” at “Legacy of Service Award.” Tinanggap ng kanyang anak na si G. Jayvee Bognot, kasama ang buong delegasyon ng TARELCO II, ang mga parangal sa SMX Convention Center.

Bahagi ang nasabing araw ng parangal sa NEA-EC Convergence na isa sa mga pinakamahalagang aktibidad ng NEA at PHILRECA. Taun-taon itong ginaganap sa buwan ng Agosto bilang pagdiriwang din ng anibersaryo ng NEA at National Electrification Month.

Nakapaloob sa tatlong araw na pagtitipon ang pagbubuklod ng mga mahahalagang personalidad sa industriya upang pag-usapan at pagtibayin ang mga hakbang tungong “Total Electrification by 2028”. Inimbitahan bilang panauhing pandangal sina DOE Secretary Sharon Garin at Department of Education Secretary Juan Edgardo “Sonny” Angara. Ipinunto nila na ang programa ng DOE, NEA, mga electric cooperatives, at Non-government organizations (NGOs) sa pagpapailaw ng “last mile schools” ay hindi lamang proyektong nasasakupan ng Rural Electrification kundi isa ring pamana ng pag-asa para sa kinabukasan ng kabataan.

Nagbigay din ng mensahe ang Power Bloc na nirerepresenta ni Cong. De Jesus at Cong. Dagooc sa mga kinatawan ng 121 electric cooperatives na dumalo sa ika-46 Annual General Membership Meeting (AGMM) ng PHILRECA. Iginiit nila na magsisilbing boses and Power Bloc bilang tinig ng mga electric cooperatives sa Kongreso bilang pasasalamat sa malasakit at pagsusumikap ng mga kawani na nagtataguyod sa kapakanan ng mga MCO.

Dinaluhan rin ang aktibidad ng iilang kilalang personalidad na nagsilbing panauhing tagapag-salita patungkol na maaaring ma-implementa ng mga nakilahok sa kanilang personal na buhay at trabaho. Nagsilbi ring pagkakataon ang NEA-EC Convergence para sa mga negosyo sa industriya na ipakilala at itampok ang kanilang produkto sa Rural Electrification (RE) EXPO na inorganisa ng NEA at PHILRECA.

TARELCO II joins the NEA-EC Nationwide Run for a cause

October 6, 2025

In line with the National Electrification Administration’s (NEA) celebration of its 56th Founding Anniversary and commencement of the 16th National Electrification Awareness Month (NEAM), more than 60 employees of Tarlac II Electric Cooperative, Inc. (TARELCO II) joined the nationwide activity “Let’s Bolt In: NEA-EC Fun Run for a Cause” on August 2, 2025.

Participants included all TARELCO II Board of Directors Engr. Antonio S. David – President, Sonia B. Sangalang – Vice President, Eliseo A. Rivera – Secretary, Joselito O. Sotto – Treasurer, Francisco L. Gabriel, Jr. – P.R.O, and Officer – In – Charge Ronnie B. Mangalindan.

For Region III electric cooperatives, the Central Luzon Electric Cooperatives Association, Inc. (CLECA) organized the simultaneous event at the Clark Parade Grounds, Pampanga with more than seven hundred (700) employees from the fourteen (14) electric cooperatives of the region.

To start the program, National Association of General Managers of Electric Cooperatives (NAGMEC) Region III President and Pampanga II Electric Cooperative, Inc. (PELCO II) General Manager Amador T. Guevarra, alongside CLECA President Reynaldo V. Villanueva, welcomed the delegates with expressions of gratitude for their active participation. NEA Administrator Antonio Mariano C. Almeda also thanked all participating electric cooperatives through a live-telecast message – marking the start of NEA’s activities a success.

To boost the energy of the attendees, the organizers conducted a short warm up dance in preparation for the gun start. The event was divided into (2) distance categories: a five (5) kilometer route and a three (3) kilometer route that treaded the CDC Parade Grounds.

After the race, finishers assembled for a cool down Zumba and announcement of the winners. TARELCO II employee June H. Gutierrez bagged 2nd place for the 3-km Male Category while Camille Elaine Y. Latosquin secured 2nd place for the 5-km Female Category. Winners earned medals, freebies, and cash as prizes. Meanwhile, all finishers received a Finisher Medal in recognition of their completion of the fun run.

According to reports from NEA, the fun run promoted a healthy lifestyle to participants and raised funds directly supporting Geographically Isolated and Deprive Areas also known as GIDA.

Tagumpay ng Sining: TARELCO II MCO, nagningning sa Digital Poster Contest

Kimberly Aguilar | October 15, 2025

Sa gitna ng humigit-kumulang 100 kalahok mula sa iba’t ibang panig ng bansa, nasungkit ng TARELCO II member-consumer-owner ang isa sa mga major prizes ng pambansang patimpalak ng Philippine Rural Electric Cooperatives Association (PHILRECA) noong Agosto 9, 2025 sa SMX Convention Center, Bacolod City.

Isang makasaysayang tagumpay ang nakamit ni John Michael Villapaña, MCO mula barangay Alfonso, Concepcion, Tarlac, matapos maigawad sa kanya ang P5,000 cash prize at Certificate of Recognition para sa 2025 Disenyo ng Liwanag at Pag-asa Digital Poster Making Competition ng PHILRECA bilang 3rd Place winner laban sa 121 electric cooperatives. Bahagi ang patimpalak ng 46th Annual General Membership Meeting (AGMM) ng PHILRECA at Joint Awarding Ceremony kasama ang National Electrification Administration (NEA).

Gamit ang kanyang talento sa digital design, pinuri ang obra ni Villapaña sa pagiging epektibo sa pagpapakita ng transpormatibong kapangyarihan ng elektripikasyon sa kanayunan upang ipakita ang mahalagang papel ng mga electric cooperative sa pag-unlad ng bansa.

Taas-noong tinanggap nina TARELCO II Officer-in-Charge (OIC) Ronnie B. Mangalindan, at Board of Directors (BOD) Engr. Antonio S. David (Concepcion Director), Dir. Sonia B. Sangalang (Bamban Director), Dir. Eliseo A. Rivera (Capas Director), Dir. Joselito O. Sotto (La Paz Director), at Dir. Francisco L. Gabriel, Jr. (Zaragoza Director) ang cash prize, plaque at canvas ng disenyo ni Villapaña sa entablado ng SMX Convention Center.

Itinuturing ng buong pangasiwaan ng TARELCO II na malaking karangalan ang pagkapanalo ni Villapaña – na tumatangkilik at sumuporta sa programa ng kooperatiba na nagpapalakas sa ugnayan nito sa mga MCO.

Bukod sa national competition ng PHILRECA, nagkaroon ng Cooperative-Level Digital Poster Making ang TARELCO II upang mabigyan ng mas maraming tsansang manalo ang mga MCO. Pumili ng sampung (10) natatanging disenyo ang kooperatiba mula sa 46 MCOs na sumali sa paligsahan. Sa awarding ceremony na ginanap sa TARELCO II Main Office sa Concepcion, Tarlac, personal na iginawad nina (OIC) Mangalindan at (BODs) ang mga sertipiko at cash prize sa mga nanalo.

Bahagi ang kompetisyong ito sa taunang selebrasyon ng PHILRECA na layuning iangat ang kamalayan ng publiko sa mga adbokasiya ng mga electric cooperative sa bansa gamit ang makabagong sining bilang mabisang plataporma. Sa pamamagitan ng talento ni Villapaña, muling naipamalas ng TARELCO II ang dedikasyon nito sa pagsuporta sa mga makabagong pamamaraan ng pagbibigay-kaalaman at pagkilala sa kontribusyon ng mga miyembro nito.

Makabagong Bayani: Anim na linemen ng TARELCO II, rumesponde sa Masbate

Kimberly Aguilar | October 17, 2025

Matapang at handang hinarap ng anim (6) na magigiting na TARELCO II linemen, suot ang uniporme at tangan ang mabibigat nilang kagamitan, ang hamon ng Task Force Kapatid (TFK): Typhoon Opong.

Ginanap ang send-off ceremony para sa Region III electric cooperatives (ECs) noong Setyembre 30, 2025 sa PELCO III Main Office, Apalit, Pampanga, para sa mga 84 na ipinadalang linemen mula sa TARELCO II at 13 electric cooperatives sa ilalim ng Central Luzon Electric Cooperatives Association (CLECA) – na agarang tumugon sa panawagan ng rehabilitasyon sa probinsya ng Masbate.

Kasama sa mga nai-deploy ang TARELCO II linemen na sina Arnold Manguerra, Aaron Balatbat, Marnel Punzalan, Christian John Masiclat, Rogel Tiglao, at Rafael David na bumiyahe sa mismong araw na iyon patungong probinsya ng Masbate.

Sa hanay ng TARELCO II, dumalo sina Engr. Antonio S. David, TARELCO II Board President, at Ronnie B. Mangalindan, Officer-in-Charge, sa seremonya bilang suporta sa TFK at sa mga lineman ng TARELCO II na maghahatid ng mabilis na tulong teknikal sa mga lugar na napinsala ang kuryente bunsod ng kalamidad.

Sa kasagsagan ng programa, ipinahayag nina CLECA President Reynaldo V. Villanueva at National Association of General Managers Of Electric Cooperatives, Inc. (NAGMEC) Region III President Amador T. Guevarra ang taos-pusong pasasalamat at paghanga sa dedikasyon ng kanilang lineworkers. Anila, hindi biro ang trabahong ginagampanan ng mga lineman, lalo na sa mga panahong kailangan nilang iwan ang kanilang pamilya upang tumulong sa ibang rehiyon.

Tugon sa matinding pinsalang iniwan ng Bagyong Opong sa Masbate ang humigit-kumulang isang (1) buwang deployment ng TFK sa apektadong lugar kung saan maraming linya at poste ng kuryente ang winasak ng bagyo na nagdulot ng matagal na pagkawala ng suplay ng kuryente.

Matatandaang nagpadala rin ng mga lineman ang TARELCO II para sa TFK: Typhoon Emong na siyang nanalasa sa probinsya ng Pangasinan nitong Agosto 2025. Inabot ng labing-siyam (19) na araw ang kanilang deployment upang tulungang makabangon ang mga naapektuhan ng bagyo.

Sa bawat deployment ng TARELCO II linemen, hinihikayat naman nito ang mga Member-Consumer-Owners (MCOs) na ipanalangin ang kaligtasan, kalakasan, at tagumpay ng mga nakibahagi sa misyon – dahil sa pamamagitan ng Task Force Kapatid, mas abot-kamay ng mga komunidad ang mabilis na pagsasaayos at panunumbalik ng elektrisidad.

Muling pinatunayan ng mga lineman ng TARELCO II na ang diwa ng bayanihan at serbisyo ay buhay na buhay at hindi alintana ang panganib, basta’t makapagbigay ng liwanag sa mga nangangailangan sa panahong sinusubok ang lakas at katatagan ng ating mga pamayanan.